ਜੇਕਰ ਤੁਹਾਨੂੰ ਸੱਪ ਡੱਸਦਾ ਹੈ ਤਾਂ ਤੁਰੰਤ ਕਰੋ ਇਲਾਜ, ਇਹਨਾਂ ਗਲਤੀਆਂ ਤੋਂ ਬਚੋ,
ਇਸ ਜਾਣਕਾਰੀ ਨੂੰ ਸੰਭਾਲ ਕੇ ਰੱਖੋ ਅਤੇ ਹੋਰਾਂ ਨਾਲ ਵੀ ਸਾਂਝੀ ਕਰੋ, ਬਰਸਾਤ ਦੇ ਮੌਸਮ ਵਿੱਚ ਸੱਪ ਦੇ ਡੱਸਣ ਨਾਲ ਹੋਣ ਵਾਲੀਆਂ ਜਾਨਾਂ ਇਸ ਸਹੀ ਜਾਣਕਾਰੀ ਨਾਲ ਬਚਾਈਆਂ ਜਾ ਸਕਦੀਆਂ ਹਨ।
👉🏾 ਸੱਪ ਦੇ ਡੰਗਣ ਦੀ ਸਥਿਤੀ ਵਿੱਚ, ਸਭ ਤੋਂ ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਸਦੇ ਲੱਛਣਾਂ ਨੂੰ ਪਛਾਣਨਾ ਅਤੇ ਇਸਦਾ ਤੁਰੰਤ ਇਲਾਜ ਕਰਨਾ ਹੈ, ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਜੇਕਰ ਕੋਈ ਸੱਪ ਤੁਹਾਨੂੰ ਡੱਸਦਾ ਹੈ ਤਾਂ ਕੀ ਕਰਨਾ ਚਾਹੀਦਾ ਹੈ ਅਤੇ ਕੀ ਨਹੀਂ ਕਰਨਾ ਚਾਹੀਦਾ।
👉🏾ਸੱਪ ਦੇ ਡੰਗਣ ਦੀ ਸੂਰਤ ਵਿੱਚ ਕੀ ਕਰਨਾ ਹੈ:
1. ਜੇਕਰ ਕਿਸੇ ਸੱਪ ਨੇ ਡੰਗ ਲਿਆ ਹੈ ਤਾਂ ਘਬਰਾਓ ਨਾ, ਤੇਜ ਦੌੜੋ ਨਾ ।
2. ਤੁਰੰਤ ਉਸ ਜਗ੍ਹਾ ਤੋ ਥੋੜਾ ਦੂਰ ਹੋ ਜਾਓ ਤਾਂ ਜੋ ਗੁੱਸੇ ਚ ਆਇਆ ਸੱਪ ਦੁਬਾਰਾ ਡੰਗ ਨਾ ਮਾ/ਰ ਸਕੇ।
3. ਤੁਰੰਤ ਕੋਈ ਸਾਧਨ ਮੰਗਵਾ ਲਓ ਜਾਂ ਐਂਬੂਲੈਂਸ ਨੂੰ ਕਾਲ ਕਰੋ
4. ਜਖਮੀ ਵਿਅਕਤੀ ਦੇ ਹੱਥ ਚ ਪਾਇਆ ਕੜਾ, ਘੜੀ, ਛਾਪ (Ring) ਆਦਿ ਉਤਰ ਦਿਓ ਅਤੇ ਉਸਦੇ ਕੱਪੜੇ ਢਿੱਲੇ ਕਰ ਦਿਓ।
5. ਸੱਪ ਦੇ ਡੰਗਣ ਵਾਲੇ ਜ਼ਖ਼ਮ ਨੂੰ ਚੰਗੀ ਤਰਾਂ ਸਾਫ ਕਰਕੇ ਉਸ ਉਪਰ ਢਿੱਲੀ ਅਤੇ ਸਾਫ਼ ਪੱਟੀ ਬੰਨ੍ਹ ਦਿਓ।
6. ਜੇਕਰ ਪੈਰ ਨੂੰ ਸੱਪ ਨੇ ਡੰਗ ਲਿਆ ਹੈ ਤਾਂ ਜੁੱਤੀ ਜਾਂ ਬੂਟ ਉਤਾਰ ਦਿਓ।
7. ਸੱਪ ਦੇ ਡੰਗਣ ਦਾ ਟਾਇਮ ਨੋਟ ਕਰ ਲਵੋ ।
8. ਸੱਪ ਲੜੇ ਵਿਅਕਤੀ ਕੋਲ ਡਰਾਉਣ ਵਾਲੀਆਂ ਗੱਲਾਂ ਨਾ ਕਰੋ ਬਲਕਿ ਉਸਨੂੰ ਹੌਸਲਾ ਦੇਓ।
👉🏾 ਕੀ ਨਹੀਂ ਕਰਨਾ ਹੈ ।
1. ਡਾਕਟਰ ਦੁਆਰਾ ਨਿਰਦੇਸ਼ ਦਿੱਤੇ ਬਿਨਾਂ ਵਿਅਕਤੀ ਨੂੰ ਕੋਈ ਦਵਾਈ ਨਾ ਦਿਓ।
2. ਸੱਪ ਦੇ ਕੱਟੇ ਅੰਗ ਉਪਰ ਕੋਈ ਕੱਟ, ਚੀਰਾ ਜਾਂ ਪੱਛ ਨਾ ਲਗਾਓ ।
3. ਫ਼ਿਲਮਾਂ ਚ ਦਿਖਾਏ ਵਾਂਗ ਜ਼ਹਿਰ ਨੂੰ ਚੂਸਣ ਦੀ ਕੋਸ਼ਿਸ਼ ਨਾ ਕਰੋ ।
4. ਜ਼ਖ਼ਮ 'ਤੇ ਕੋਲਡ ਕੰਪਰੈੱਸ, ਬਰਫ਼ ਦੀ ਵਰਤੋਂ ਨਾ ਕਰੋ।
5. ਵਿਅਕਤੀ ਨੂੰ ਅਲਕੋਹਲ ਜਾਂ ਕੈਫੀਨ ਵਾਲੇ ਪੀਣ ਵਾਲੇ ਪਦਾਰਥ ਨਾ ਦਿਓ ।
6. ਮਰੀਜ ਨੂੰ ਤੁਰਨ ਭੱਜਣ ਨਾ ਦਿਓ। ਉਨ੍ਹਾਂ ਨੂੰ ਗੱਡੀ ਜਾਂ ਸਾਧਨ ਰਾਹੀਂ ਹੀਂ ਲੈ ਜਾਓ।
7. ਸੱਪ ਨੂੰ ਮਾਰਨ ਜਾਂ ਫੜਨ ਦੀ ਕੋਸ਼ਿਸ਼ ਨਾ ਕਰੋ। ਜੇ ਹੋ ਸਕੇ ਤਾਂ ਸੱਪ ਦੀ ਤਸਵੀਰ ਖਿੱਚ ਲਓ।
8.ਕਿਸੇ ਵੀ ਪੰਪ ਜਾਂ ਜਹਿਰ ਚੂਸਣ ਵਾਲੇ ਯੰਤਰ ਦੀ ਵਰਤੋਂ ਨਾ ਕਰੋ।
9. ਆਪਣੀ ਮਰਜੀ ਨਾਲ ਅਤੇ ਡਾਕਟਰ ਦੀ ਸਲਾਹ ਬਿਨਾ ਕੋਈ ਦਵਾਈ ਨਾ ਦੇਓ।
10. ਮਰੀਜ ਨੂੰ ਕਿਸੇ ਧਾਗੇ, ਟੂਣੇ ਟੋਟਕੇ, ਮਣਕੇ ਆਦਿ ਵਾਲੇ ਕੋਲ ਨਾ ਲੈਕੇ ਜਾਓ।
ਸੱਪ ਦੇ ਜਹਿਰ ਦਾ ਸਹੀ ਇਲਾਜ ਐਂਟੀ ਸਨੈਕ ਵੇਨਮ ਇੰਜੈਕਸ਼ਨ ਹੈ ਜੋ ਸੱਪ ਦੇ ਜਹਿਰ ਤੋ ਹੀ ਤਿਆਰ ਕੀਤਾ ਜਾਂਦਾ ਹੈ। ਭਾਰਤ ਵਿੱਚ ਸੱਪ ਡੰਗੇ ਨਾਲ ਜਿਆਦਾਤਰ ਮੌ/ਤਾਂ ਇਲਾਜ ਚ ਦੇਰੀ ਅਤੇ ਦੇਸੀ ਤਜੁਰਬੇ ਕਰਨ ਦੇ ਕਾਰਨ ਹੀ ਹੁੰਦੀਆਂ ਹਨ।
ਸੱਪਾਂ ਵਾਰੇ ਵਧੇਰੇ ਜਾਣਕਾਰੀ ਲਈ ਸੰਪਰਕ ਕਰ ਸਕਦੇ ਹੋ।
ਗੁਰਵਿੰਦਰ ਸ਼ਰਮਾ ਬਠਿੰਡਾ
ਫੋਨ 9501811001
Wild life saver
#ਜੀਉ_ਔਰ_ਜੀਨੇ_ਦੋ #gurvindersharma #ਸੱਪਾਂ_ਆਲਾ
No comments:
Post a Comment