ਨੀਟ (NEET) ਦੀ ਪ੍ਰੀਖਿਆ ਬਾਰੇ

 ਰੌਲਾ ਤਾਂ ਪਹਿਲਾਂ ਸੀ, ਹੁਣ ਤਾਂ ਮਸਲਾ ਬਣ ਗਿਆ ਹੈ!

ਆਖ਼ਰ ਕਿਉਂ ਉੱਠ ਰਹੀ ਹੈ ਨੀਟ (NEET) ਦੀ ਪ੍ਰੀਖਿਆ ਮੁੜ ਆਯੋਜਿਤ ਕਰਨ ਦੀ ਮੰਗ?

ਭਾਰਤ ਸਰਕਾਰ ਦੇ ਸਿੱਖਿਆ ਮੰਤਰਾਲੇ ਦੇ ਉੱਚ ਸਿੱਖਿਆ ਵਿਭਾਗ ਦੀ ਖ਼ੁਦਮੁਖਤਿਆਰੀ ਵਾਲੀ ਸੰਸਥਾ NTA(National Testing Agency)ਰਾਸ਼ਟਰੀ ਪੱਧਰ'ਤੇ ਮੈਡੀਕਲ,ਇੰਜਨੀਅਰ,ਮੈਨਜਮੈਂਟ,ਹੋਟਲ ਮੈਨਜਮੈਂਟ ਆਦਿ ਦੇ ਚੋਟੀ ਦੇ ਕਾਲਜਾਂ/ਯੂਨੀਵਰਸਿਟੀਆਂ/ਸੰਸਥਾਨਾਂ'ਚ ਦਾਖ਼ਲੇ ਲਈ ਵੱਖ-ਵੱਖ ਦਾਖ਼ਲਾ ਪ੍ਰੀਖਿਆਵਾਂ ਦਾ ਆਯੋਜਨ ਕਰਦੀ ਹੈ।

ਇਸੇ ਲੜੀ'ਚ ਇਸ ਸਾਲ 5 ਮਈ ਨੂੰ ਹੋਈ NEET(Graduate) ਅਰਥਾਤ National Eligibility cum Entrance Test (Undergraduate) ਦੀ ਪ੍ਰਵੇਸ਼ ਪ੍ਰੀਖਿਆ ਦੇ ਅਜੇ ਕੁਝ ਕੁ ਦਿਨ ਪਹਿਲਾਂ ਆਏ ਨਤੀਜਿਆਂ'ਤੇ ਸਵਾਲ ਖੜ੍ਹੇ ਹੋ ਗਏ ਹਨ।

ਇਹ JEE ਵਾਂਗ ਭਾਰਤ ਦੀਆਂ ਸਭ ਤੋ ਔਖੀਆਂ ਪ੍ਰਵੇਸ਼ ਪ੍ਰੀਖਿਆਵਾਂ ਚੋਂ ਇੱਕ ਹੈ।ਇਸ'ਚ ਬਾਰ੍ਹਵੀਂ ਪਾਸ ਕਰਕੇ ਨਿਕਲੇ ਜਵਾਕਾਂ ਨੂੰ ਸਾਲ ਭਰ,ਕਈ ਵਾਰ ਤਾਂ ਦੋ-ਦੋ,ਤਿੰਨ-ਤਿੰਨ ਸਾਲ ਸਾਧ ਬਣ ਕੇ ਭਾਰਤ ਪੱਧਰ ਦੇ ਕੰਪੀਟੀਸ਼ਨ ਨੂੰ ਝੱਲਦਿਆਂ ਚੰਗਾ ਰੈਂਕ ਲੈ ਕੇ ਚੰਗੇ ਕਾਲਜ(ਜਿਵੇਂ ਰਾਸ਼ਟਰੀ ਪੱਧਰ'ਤੇ ਏਮਜ਼,ਸਟੇਟ ਪੱਧਰ'ਤੇ ਰਜਿੰਦਰਾ ਪਟਿਆਲਾ)'ਚ ਜਾਣ ਲਈ ਬੇਹੱਦ ਕਰੜੀ ਮਿਹਨਤ ਕਰਨੀ ਪੈਂਦੀ ਹੈ।ਇਸ ਤੋਂ ਬਾਅਦ ਜਾ ਕੇ ਕਿਤੇ ਚੰਗੇ ਕਾਲਜਾਂ/ਸੰਸਥਾਨਾਂ'ਚ  MBBS,BDS,BUMS,BAMS'ਚ ਦਾਖ਼ਲਾ ਮਿਲਦਾ ਹੈ।

ਦਰਅਸਲ +2 ਦੀ ਪੜ੍ਹਾਈ ਵੀ ਜ਼ਿਆਦਾਤਰ ਵਿਦਿਆਰਥੀ ਡਮੀ ਹੀ ਕਰਦੇ ਹਨ ਤੇ ਅਸਲ'ਚ ਤਾਂ ਉਹ ਕੋਚਿਗ ਸੈਂਟਰਾਂ'ਚ ਹੀ ਤਿਆਰੀ ਕਰਦੇ ਹਨ।

ਨੀਟ ਪ੍ਰੀਖਿਆ ਦੇ ਚਾਰ ਭਾਗ ਹੁੰਦੇ ਹਨ ਤੇ ਚਾਰਾਂ ਭਾਗਾਂ ਦੇ 45-45 ਸਵਾਲ ਹੁੰਦੇ ਹਨ:-

Physics(45)+ Chemistry(45)+Botany(45)+ Zoology(45)=180 questions 

ਹਰੇਕ ਸਵਾਲ ਦੇ 4 ਅੰਕ ਹੁੰਦੇ ਹਨ ਤਾਂ ਇਹ ਕੁੱਲ ਬਣਗੇ

180 questions×4= 720 marks

ਬਹੁ-ਵਿਕਲਪੀ ਯਾਨਿ MCQ ਵਾਲੇ ਪੈਟਰਨ ਦੇ ਹਰੇਕ ਸਵਾਲ ਦਾ ਸਹੀ ਜਵਾਬ ਦੇਣ'ਤੇ 4 ਅੰਕ ਮਿਲਦੇ ਹਨ ਤੇ ਨੈਗੇਟਿਵ ਮਾਰਕਿਗ ਹੋਣ ਕਰਕੇ ਹਰ ਗਲਤ ਜਵਾਬ ਦਾ ਇੱਕ ਅੰਕ ਕੱਟ(-1 negative)ਲਿਆ ਜਾਂਦਾ ਹੈ।

            ⚫🟣🔵🔵🔴🟠🟡🟢

ਅਸਲ'ਚ ਤਿੰਨ ਗੱਲਾਂ ਨਵੀਆਂ ਤੇ ਹੈਰਾਨਜੀਨਕ ਹੋਈਆਂ ਇਸ ਵਾਰ ਦੇ ਨੀਟ ਨਤੀਜਿਆਂ'ਚ,ਜਿਹਨਾਂ ਨੇ ਇਸ ਨੂੰ ਕਥਿਤ ਤੌਰ'ਤੇ ਵਿਵਾਦਤ ਬਣਾਇਆ ਹੈ।

ਇੱਕ ਤਾਂ ਕੁੱਲ 67 ਜਣਿਆਂ ਨੇ 720/720 ਅੰਕ ਲੈ ਕੇ All India Rank 1 ਪ੍ਰਾਪਤ ਕੀਤਾ ਜੋ ਅਸਧਾਰਨ ਵਰਾਤਾਰਾ ਹੈ।2023'ਚ ਕੁੱਲ ਦੋ ਜਣਿਆਂ ਦੇ ਪੂਰੇ ਚੋਂ ਪੂਰੇ ਨੰਬਰ ਸਨ।2019'ਚ ਇੱਕ,2020'ਚ ਵੀ ਇੱਕ,2021'ਚ ਤਿੰਨ ਤੇ 2022'ਚ ਇੱਕ ਜਣਾ ਹੀ ਪੂਰੇ ਚੋਂ ਪੂਰੇ ਅੰਕ ਲਿਜਾ ਸਕੇ ਹਨ।ਐਤਕੀ ਇਹਨਾਂ 67 ਚੋਂ 8 ਜਣੇ ਤਾਂ ਹਰਿਆਣੇ ਦੇ ਇੱਕੋ ਪ੍ਰੀਖਿਆ ਕੇਂਦਰ ਦੇ ਹਨ।

ਇਸ'ਤੇ NTA ਦਾ ਜਵਾਬ ਹੈ ਕਿ ਇੱਕ ਸਵਾਲ ਦਾ ਜਵਾਬ NCERT ਦੀਆਂ ਪੁਰਾਣੀਆਂ ਕਿਤਾਬਾਂ'ਚ 'atoms of each element are stable’ ਤੇ ਨਵੀਆਂ ਕਿਤਾਬਾਂ'ਚ

atoms of most of the elements are stable’ ਦਿੱਤਾ ਹੋਇਆ ਹੈ,ਇਸ ਕਰਕੇ ਉਹਨਾਂ ਨੂੰ ਹਰੇਕ ਜਣੇ ਨੂੰ 5 ਗਰੇਸ ਅੰਕ ਦੇਣੇ ਪਏ ਤੇ ਕੁੱਲ ਅੰਕ ਸਿੱਧੇ 715 ਤੋਂ 720'ਤੇ ਵੱਜੇ ਤੇ ਇਸੇ ਕਰਕੇ ਇੰਨੇ ਜਿਆਦਾ ਟਾਪਰ ਆਏ ਹਨ।

ਕੀ ਇਹੀ ਇੱਕ ਕਾਰਨ ਹੈ 67 ਟਾਪਰ ਆਉਣ ਦਾ?NTA ਦਾ ਇੱਕ official ਇੰਡੀਅਨ ਐਕਸਪ੍ਰੈੱਸ ਨੂੰ ਕਹਿੰਦਾ ਹੈ ਕਿ ਬਾਕੀ ਪੇਪਰ ਵੀ ਸੌਖਾ ਸੀ ਐਤਕੀ!

ਦੂਜਾ ਸਵਾਲ ਇਹ ਹੈ ਕਿ 720 ਤੋਂ ਬਾਅਦ ਅਗਲਾ ਸੰਭਵ ਸਕੋਰ 716 ਬਣਦਾ ਹੈ,ਫੇਰ 718,719 ਅੰਕ ਕਿਵੇਂ ਆਏ?ਇਸ'ਤੇ NTA ਦਾ ਕਹਿਣਾ ਹੈ ਕਿ ਉਹਨਾਂ ਨੇ ਕੁਝ ਵਿਦਿਆਰਥੀਆਂ ਦੇ ਸਮੇਂ ਦਾ ਨੁਕਸਾਨ ਹੋਣ ਕਰਕੇ ਮਆਵਜ਼ਾ ਅੰਕ ਦਿੱਤੇ ਹਨ।

ਤੀਜਾ ਸਵਾਲ ਹੈ ਕਿ 14 ਜੂਨ ਨੂੰ ਆਉਣ ਵਾਲਾ ਰਿਜ਼ਲਟ ਤਕਰੀਬਨ 10 ਦਿਨ ਪਹਿਲਾਂ ਕਿਉਂ ਕੱਢਤਾ?NTA ਦਾ ਇਸ'ਤੇ ਕਹਿਣਾ ਹੈ ਕਿ ਅਸੀਂ ਛੇਤੀ ਤੋਂ ਛੇਟੀ ਨਤੀਜਾ ਕੱਢਣ ਦੀ ਕੋਸ਼ਿਸ਼ ਚ ਹੁੰਦੇ ਹਾਂ ਤੇ ਪ੍ਰੀਖਿਆ'ਚ ਬੈਠੇ 23 ਲੱਖ 81 ਹਜ਼ਾਰ ਵਿਦਿਆਰਥੀਆਂ ਦਾ ਨਤੀਜਾ ਜਲਦੀ ਕੱਢ ਕੇ ਉਹਨਾਂ ਅਭੂਤਪੂਰਵ ਕੰਮ ਕੀਤਾ ਹੈ।

ਕਾਂਗਰਸ ਸਮੇਤ ਪ੍ਰਮੁੱਖ ਪਾਰਟੀਆਂ ਨੇ ਇਸ'ਤੇ ਸ਼ੰਕੇ ਖੜ੍ਹੇ ਕੀਤੇ ਹਨ ਤੇ ਟਵਿਟਰ(X)'ਤੇ ਵੱਡੇ ਪੱਧਰ'ਤੇ #RENEET ਟਰੈਂਡ ਕਰ ਰਿਹਾ ਹੈ।

Jacknama - ਜੈਕਨਾਮਾ

#jacknamaexplains

ਮੌਤ ਉਪਰੰਤ ਕੀ ਵਾਪਰਦਾ ਹੈ

ਜਿਵੇਂ ਹੀ ਦਿਲ ਰੁੱਕਦਾ ਹੈ ਤਾਂ ਉਸਤੋਂਂ ਅੰਦਾਜ਼ਨ  ਦਸ ਕੁ ਮਿੰਟਾਂ ਤੀਕ ਦਿਮਾਗ਼ ਚੇਤਨ ਰਹਿੰਦਾ ਹੈ,ਇਹ ਵਿਗਿਆਨ ਦਾ ਤੱਥ ਹੈ। ਬਿਲਕੁਲ ਅਖੀਰਲੇ ਸਮੇਂ ਜਾਂ ਪਲ  ਦਿਮਾਗ਼ ਨੂੰ ਬਿਜਲੀ ਦਾ ਝੱਟਕਾ /jolt ਜਿਹਾ ਮਿੱਲਦਾ ਹੈ, ਕੋਈ ਨਹੀਂ ਜਾਣਦਾ ਇਹ ਕਿਉਂ ਹੁੰਦਾ ਹੈ । ਦਿਮਾਗ਼ ਆਕਸੀਜਨ ਦੀ ਨਾਂਮਾਤਰ ਸਪਲਾਈ ਤੇ ਜਿਉਣ ਲੱਗਦਾ ਹੈ ਜਿਸ ਕਾਰਨ ਅਜੀਬ ਜਿਹਾ (ਸੁਰੰਗਾਂ ਚ ਹੋਣ ਵਾਂਗੂੰ) ਦਿੱਸਣ ਲੱਗਦਾ ਹੈ।  

ਉਦੋਂ ਭੀ ਜਦੋਂ ਤੁਸੀਂ ਸਾਹ ਭੀ ਨਹੀਂ ਲੈ ਰਹੇ ਤੇ ਦਿਲ ਵੀ ਨਹੀਂ ਧੜਕ ਰਿਹਾ ਹੈ ਤਾਂ ਭੀ ਤੁਸੀਂ 2 ਤੋਂ 20 ਸਕਿੰਟਾਂ ਲਈ ਚੇਤਨ ਅਵਸਥਾ ਚ ਪਏ ਹੋ।  ਇਸ ਕਾਰਨ ਕਿ ਦਿਮਾਗ ਦਾ ਸੋਚਣ ਵਾਲਾ  ਹਿੱਸਾ cerebral cortex ਆਕਸੀਜਨ ਬਿਨਾਂ ਭੀ  ਕੁੱਝ ਸਮੇਂ ਲਈ ਜਿਉਂਦਾ ਰਹਿੰਦਾ ਹੈ। ਇਹ ਹਿੱਸਾ ਸੋਚਦਾ ਤੇ ਫੈਸਲੇ ਕਰਦਾ ਹੈ ਪਰ ਇਸ ਵੇਲੇ ਇਸਦਾ ਮਸਲਜ਼ ਤੇ ਕੰਟਰੋਲ ਨਹੀਂ ਰਿਹਾ। ਹੁਣ ਦਿਮਾਗ਼ ਆਪਣੇ ਆਖ਼ਰੀ ਪਲਾਂ ਚ ਹੈ ਤੇ ਇਹਦੇ ਸੈਲ ਕੰਮ ਕਰਨਾ ਬੰਦ ਕਰ ਰਹੇ ਹਨ। ਸਿਰਫ ਆਕਸੀਜਨ ਦੀ ਤੀਬਰ ਸਪਲਾਈ ਹੀ ਦਿਮਾਗ਼ ਨੂੰ ਜਿਉਂਦੇ ਰੱਖ ਸਕਦੀ ਹੈ ਜੇਕਰ ਦਿਲ ਦੀ ਧੜਕਣ ਭੀ ਮੁੜ ਆਉਂਦੀ ਹੈ। ਦਿਮਾਗ਼ ਨੇ ਉਡੀਕ ਕੀਤੀ ਹੈ ਪਰ ਆਕਸੀਜਨ ਤਾਂ ਦਿਲ ਨੇ ਭੇਜਣੀ ਹੈ ਖੂਨ ਰਾਹੀਂ।

ਦਿਮਾਗ  ਦਾ ਬਹੁਤਾ ਹਿੱਸਾ ਹੁਣ ਜਾ ਚੁੱਕਾ ਹੈ ਸਿਵਾਏ ਇਕ ਵਿਸ਼ੇਸ਼ ਦੇ ਜਿਸ ਨੂੰ memory center ਕਹਿੰਦੇ ਹਨ। ਇਹ ਹਿੱਸਾ ਤੁਹਾਡੀਆਂ ਸਾਰੀਆਂ ਯਾਦਾਂ ਤੇ ਦੁਖਦਾਈ ਘਟਨਾਵਾਂ ਸੰਭਾਲੀ ਬੈਠਾ ਹੈ ਇਹ ਅਖੀਰਲਾ ਬੰਦ ਹੋਣ ਵਾਲਾ ਹਿੱਸਾ ਹੈ। ਡਾਕਟਰ ਵਲੋਂ ਮੈਡੀਕਲੀ,ਕਲੀਨਕਲੀ ਤੌਰ ਤੇ ਕਿਸੇ ਨੂੰ ਮਿਰਤਕ ਘੋਸ਼ਿਤ ਕੀਤੇ ਜਾਣ ਬਾਅਦ ਵੀ ਦੱਸ ਕੁ ਮਿੰਟ ਤੀਕ ਦਿਮਾਗ ਥੋੜਾ ਕਾਰਜਸ਼ੀਲ ਰਹਿੰਦਾ ਹੈ। ਮੌਤ ਤੋਂ ਦੋ ਦਿਨ ਬਾਅਦ ਤੀਕ ਭੀ  ਕੋਈ ਇਕ ਹਜ਼ਾਰ ਜੀਨ  ਕੰਮ ਕਰਦੇ ਰਹਿੰਦੇ ਹਨ, ਕੁਝ ਸੋਜ਼ਿਸ਼ ਆਦਿ  ਖਤਮ ਕਰਨ ਲਈ ਲੜ ਰਹੇ ਹੁੰਦੇ ਹਨ ,ਕੁਝ immune system  ਨੂੰ boost ਕਰ ਰਹੇ ਹੁੰਦੇ ਹਨ। ਪਰ ਕੁਝ ਹੋਰ ਵਿਕਾਸ ਵਾਲੇ ਵੀ ਜਾਗਦੇ ਹਨ।  ਇਹ ਇਕ ਭੇਤ ਹੈ ਕਿ ਅਜਿਹਾ ਕਿਉਂ ਹੁੰਦਾ ਹੈ । ਹੋਰ ਤਾਂ ਹੋਰ ਮੌਤ ਪਿੱਛੋਂ ਭੀ ਕੁਝ ਜੀਨ ਕੈਂਸਰ ਸੈਲਾਂ  ਦੀ growth ਨੂੰ ਉਤਸ਼ਾਹਿਤ ਕਰਨ ਚ ਲੱਗੇ ਹੁੰਦੇ ਹਨ। 

ਇਹ ਖੋਜਾਂ ਸੰਕੇਤ ਕਰ ਦੀਆਂ ਹਨ ਕਿ ਮੌਤ ਵਾਰੇ ਬਹੁਤ ਸਾਰੇ ਰਹੱਸ ਅਜੇ ਸਾਨੂੰ ਪਤਾ ਨਹੀਂ ਹਨ। ਕਿ ਕਿਸੇ ਨੂੰ ਮਿਰਤਕ ਘੋਸ਼ਿਤ ਕਰ ਦੇਣਾ ਕੀ ਠੀਕ ਹੈ ਜਦੋਂ ਕਿ ਉਸਦੇ ਸਰੀਰ ਅੰਦਰ ਕੁਝ ਅੰਗ,ਸੈਲ,ਜੀਨ ਅਜੇ ਵੀ ਕੰਮ ਕਰ ਰਹੇ ਹੁੰਦੇ ਹਨ, ਤਾਂ ਅੰਗ ਦਾਨ ਜਾਂ autopsies  ਵਾਰੇ ਇਸ ਨੂੰ ਕੀ ਮੰਨਿਆ ਜਾਵੇ  !

- ਦਵਿੰਦਰ ਸਿੰਘ ਹੰਡਿਆਇਆ ਆਧਾਰਿਤ Hashem -Al-Ghaili....writer)

ਭਾਰਤੀ ਸਿੱਖਿਆ ਅਤੇ ਨੀਟ (NEET) ਟੈਸਟ ਸਿਸਟਮ

ਭਾਰਤੀ ਸਿੱਖਿਆ ਅਤੇ ਟੈਸਟ ਸਿਸਟਮ ਚ ਆਮ ਬੰਦੇ ਲਈ ਕੁਝ ਨਹੀਂ ਰਹਿ ਗਿਆ.. ਨੈਸ਼ਨਲ ਟੈਸਟਿੰਗ ਏਜੰਸੀ NTA ਵੱਲੋਂ  ਲਏ ਗਏ NEET UG ਟੈਸਟ ਵਿੱਚ ਰਿਕਾਰਡ 67 ਬੱਚਿਆਂ ਦੇ 720 ਵਿਚੋਂ 720 ਨੰਬਰ ਆਏ ਹਨ ਅਤੇ ਇਹ ਸਾਰੇ ਬੱਚੇ ਵੱਡੇ ਟਿਊਸ਼ਨ ਸੈਂਟਰਾਂ ਨਾਲ਼ ਸੰਬੰਧਿਤ ਹਨ ਜੋ ਕਿ ਸ਼ੱਕ ਦੀ ਸੂਈ ਖੜ੍ਹੀ ਕਰਦਾ ਹੈ..

ਪਹਿਲਾਂ ਪੇਪਰ ਲੀਕ ਹੋਣ ਦੀ ਗੱਲ਼ ਉੱਠੀ ਅਤੇ 40 ਲੱਖ ਤੱਕ ਰੇਟ ਦੀਆਂ ਖਬਰਾਂ ਲੱਗੀਆਂ..

ਸਾਰੇ ਬੱਚਿਆਂ ਦਾ ਜ਼ੋਰ ਲੱਗਾ ਹੁੰਦਾ ਕਿ AIMS ਦਿੱਲੀ ਵਿੱਚ ਸੀਟ ਮਿਲੇ.. ਹੁਣ ਓਥੇ ਸੀਟਾਂ ਹਨ 50 ਅਤੇ 67 ਬੱਚੇ ਪੂਰੇ ਪੂਰੇ ਨੰਬਰ ਹਾਸਿਲ ਕਰ ਚੁੱਕੇ ਹਨ.. ਬਾਕੀ 17 ਕਿਥੇ ਜਾਣ..

ਹੋਰ ਵੀ ਹੈਰਾਨੀ ਦੀ ਗੱਲ਼ ਇਹ ਹੈ ਕਿ 720 ਵਿਚੋਂ 650 ਨੰਬਰ ਲੈਣ ਵਾਲੇ ਬੱਚੇ ਸਰਕਾਰੀ ਸੀਟ ਦੇ ਹੱਕਦਾਰ ਹੁੰਦੇ ਹਨ ਜਿਥੇ ਖਰਚਾ ਘੱਟ ਹੁੰਦਾ ਪਰ 650 ਨੰਬਰ ਲੈਣ ਵਾਲੇ ਬੱਚੇ ਦਾ ਰੈਂਕ 30 ਹਜਾਰ ਆ ਰਿਹਾ ਉਸਨੂੰ ਸਰਕਾਰੀ ਸੀਟ ਮਿਲੇਗੀ ਕਿ ਨਹੀਂ ਏਹੀ ਪੱਕਾ ਨਹੀਂ..

ਆਲ ਓਵਰ ਇੰਡੀਆ ਚ 106333 ਸੀਟਾਂ ਹਨ ਜਿਸ ਵਿਚੋਂ ਸਰਕਾਰੀ 55648 ਅਤੇ ਪ੍ਰਾਈਵੇਟ 55685 ਹਨ..

ਪਹਿਲਾਂ ਤੇ ਏਨੇ ਔਖੇ ਟੈਸਟ ਵਿਚੋਂ 720 ਵਿਚੋਂ 720 ਨੰਬਰ ਲੈਣੇ ਹੀ ਬਹੁਤ ਔਖਾ ਤੇ ਅਸੰਭਵ ਕਾਰਜ ਹੈ ਉਪਰੋ ਸਿਰਫ ਕੁਝ ਚੋਣਵੇਂ ਵੱਡੇ ਸੈਂਟਰਾਂ ਦੇ ਬੱਚੇ ਹੀ ਕਿਉਂ ਬਾਜ਼ੀ ਮਾਰ ਰਹੇ ਹਨ..

ਇਸ ਵਾਰ 25 ਲੱਖ ਤੋਂ ਵੱਧ ਬੱਚਿਆਂ ਨੇ NEET ਦਾ ਇਮਤਿਹਾਨ ਦਿੱਤਾ ਜਿਸਤੋਂ NTA ਨੂੰ ਕਰੀਬਨ 200 ਕਰੋੜ ਦੀ ਰਜਿਸਟਰੇਸ਼ਨ ਫੀਸ ਇਕੱਠੀ ਹੋਈ..

ਪਿੱਛਲੇ ਦਸ ਸਾਲਾਂ ਤੋਂ ਪੇਪਰ ਲੀਕ ਮਾਮਲੇ ਅਤੇ ਵੱਡੇ ਸੈਂਟਰਾਂ ਦੇ NTA ਨਾਲ਼ ਮਿਲੀਭੁਗਤ ਦੇ ਮਾਮਲੇ ਵਧੇ ਹਨ..

ਪ੍ਰਤੀਭਾ ਉੱਤੇ ਮਾਇਆ ਹਾਵੀ ਹੋ ਰਹੀ ਹੈ ਅਤੇ ਸਿਹਤ ਸਿਸਟਮ ਦੀ ਕਾਬਲੀਅਤ ਉੱਤੇ ਵੀ ਸਵਾਲੀਆ ਨਿਸ਼ਾਨ ਲੱਗ ਰਿਹਾ..

ਜਿਹੜ੍ਹੇ ਬੱਚੇ ਸਰਕਾਰੀ ਸੀਟ ਨਾ ਲੈ ਸਕੇ ਓਹ ਪ੍ਰਾਈਵੇਟ ਮੈਡੀਕਲ ਕਾਲਜਾਂ ਤੋਂ ਛਿੱਲ ਲੁਹਾਉਣਗੇ ਜੋਕੇ ਚਾਰ ਸਾਲ ਦਾ ਖਰਚਾ ਕਰੋੜਾਂ ਚ ਹੈ..

ਕੁੱਲ ਮਿਲਾ ਕੇ ਆਮ ਘਰਾਂ ਦਾ ਪ੍ਰਤੀਭਾਸ਼ੀਲ ਬੱਚਾ ਵੀ ਇਸ ਦੌੜ ਚੋਂ ਬਾਹਰ ਹੈ ਬਾਕੀ ਮਾਇਆ ਅਤੇ ਮਿਲੀਭੁਗਤ ਨਾਲ਼ ਬਣੇ ਡਾਕਟਰ ਅੱਗੇ ਜਾਕੇ ਕੀ ਚੰਦ ਚਾੜਨਗੇ ਇਹ ਵੀ ਕੋਈ ਲੁਕਿਆ ਤੱਥ ਨਹੀਂ..ਇਹ ਛੜੱਪੇਬਾਜ਼ ਲੋਕ ਕਰਤਬ ਕਰ ਜਾਂਦੇ ਹਨ ਅਤੇ ਬਾਕੀਆਂ ਨੂੰ ਡੰਡਾ ਡੰਡਾ ਕਰਕੇ ਪੌੜੀ ਚੜ੍ਹਨ ਲਈ ਮਜ਼ਬੂਰ ਹੋਣਾ ਪੈਂਦਾ..

ਦਸਵੀਂ ਤੋਂ ਬਾਦ ਕਿਸੇ ਸਕੂਲ ਚ ਨਾਮ ਦਾ ਦਾਖਲਾ ਲਓ,, ਕਿਸੇ ਵੱਡੇ ਸੈਂਟਰ ਨੂੰ ਦੋ ਸਾਲ ਲੱਖਾਂ ਦਾ ਚੜ੍ਹਾਵਾ ਚੜ੍ਹਾਓ ਅਤੇ ਪ੍ਰਭੂ ਦੇ ਗੁਣ ਗਾਓ..

ਲੱਖਾਂ ਚ ਪੇਪਰ ਅਤੇ ਕਰੋੜਾਂ ਚ ਸੀਟ ਖਰੀਦਣ ਵਾਲੇ ਹੀ ਡਾਕਟਰ ਬਣਨ ਦੇ ਹੱਕਦਾਰ ਹਨ..

ਇਸ ਮੁਲਕ ਚ ਗਰੀਬ ਆਦਮੀ ਆਪਣੇ ਬੱਚੇ ਨੂੰ ਡਾਕਟਰ ਬਣਾਉਣ ਦਾ ਸੁਪਨਾ ਛੱਡ ਹੀ ਦੇਵੇ ਤਾਂ ਚੰਗਾ ਹੈ..

ਵੈਸੇ ਵੀ ਅਸੀਂ ਕਿਹੜਾ ਸਿਹਤ ਅਤੇ ਸਿੱਖਿਆ ਨੂੰ ਲੈਕੇ ਵੋਟ ਪਾਉਂਦੇ ਹਾਂ.. ਸੋ ਕਲਪਦੇ ਰਹੋ..

(ਫੇਸਬੁੱਕ ਤੋਂ) ਗੁਰਬਿੰਦਰ ਸਿੰਘ ਬਾਜਵਾ

WhatsApp forward by : 9464026590

Convert old IPC to new BNS code

If you open this link and enter the old IPC section in it, it will tell you the equivalent section of the Indian Penal Code.

 http://bit.ly/bmtbns2024

ਪੰਜਾਬ ਦਾ ਸੱਤਵਾਂ ਪੇਅ ਕਮਿਸ਼ਨ ਬਨਾਮ ਕੇਂਦਰ ਦਾ ਸੱਤਵਾਂ ਪੇਅ ਕਮਿਸ਼ਨ

ਪੰਜਾਬ ਦੇ ਸੱਤਵੇ ਪੇਅ ਕਮਿਸ਼ਨ ਅਤੇ ਕੇਂਦਰ ਦੇ ਸੱਤਵੇਂ ਪੇਅ ਕਮਿਸ਼ਨ ਵਿੱਚ ਕੀ ਫਰਕ ਹੈ ਆਓ ਅੱਜ ਇਸ ਬਾਰੇ ਜਾਣਦੇ ਹਾਂ। 

1. ਕੇਂਦਰ ਦੇ ਸੱਤਵੇ ਪੇਅ ਕਮਿਸ਼ਨ ਅਨੁਸਾਰ ਤੁਹਾਨੂੰ ਪੂਰੀ ਤਨਖਾਹ ਭੱਤਿਆ ਨਾਲ ਮਿਲਦੀ ਹੈ ਜਦਕਿ ਪੰਜਾਬ ਵਿੱਚ 3 ਸਾਲ ਤੁਹਾਨੂੰ ਸਿਰਫ ਬੇਸਿਕ ਪੇਅ ਦਿੱਤੀ ਜਾਂਦੀ ਹੈ।

2. 3 ਸਾਲ ਬਾਅਦ ਕੇਂਦਰ ਸਰਕਾਰ ਦੇ ਕਰਮਚਾਰੀਆਂ ਨੂੰ 3 ਇੰਨਕਰੀਮੈਂਟ ਮਿਲ ਜਾਂਦੇ ਹਨ ਜਦਕਿ ਪੰਜਾਬ ਵਿੱਚ ਤੁਹਾਨੂੰ 3 ਸਾਲ ਬਾਅਦ ਵੀ ਉਹੀ ਬੇਸਿਕ ਪੇਅ ਮਿਲਦੀ ਹੈ ਪਰ ਭੱਤੇ ਮਿਲਣੇ ਸ਼ੁਰੂ ਹੋ ਜਾਂਦੇ ਹਨ।

3. ਪੰਜਾਬ ਸਰਕਾਰ ਦਾ ਮਹਿੰਗਾਈ ਭੱਤਾ ਕੇਂਦਰ ਸਰਕਾਰ ਤੋਂ ਹਮੇਸ਼ਾ 8 ਤੋਂ 12% ਪਿੱਛੇ ਚੱਲਦਾ ਹੈ। 

4. ਕੇਂਦਰ ਸਰਕਾਰ ਵਾਂਗ ਪੰਜਾਬ ਦੇ ਕਰਮਚਾਰੀਆਂ ਨੂੰ ਕਈ ਪ੍ਰਕਾਰ ਦੇ ਭੱਤੇ ਨਹੀਂ ਮਿਲਦੇ ਜਿਵੇਂ ਕਿ ਨਾ ਤਾਂ Travelling Allowance plus DA on TA ਮਿਲਦਾ ਹੈ ਨਾ ਹੀ Children Care Allowance & Hostel Subsidy

5. ਕੇਂਦਰ ਸਰਕਾਰ ਦੇ ਗਰੈਜੂਏਸ਼ਨ ਕਰਕੇ ਨੌਕਰੀ ਵਿੱਚ ਆਏ ਕਲਰਕ ਨੂੰ 25500 ਮਿਲਦਾ ਹੈ ਜਦਕਿ ਪੰਜਾਬ ਵਿੱਚ 19900 ਮਿਲਦਾ ਹੈ। 3 ਸਾਲਾਂ ਬਾਅਦ ਕੇਂਦਰ ਦਾ ਕਲਰਕ 3 ਇੰਨਕਰੀਮੈਂਟ ਲੈਕੇ 27900 ਬੇਸਿਕ ਲੈਂਦਾ ਹੈ ਜਦਕਿ ਪੰਜਾਬ ਦਾ ਕਲਰਕ 19900 ਤੋਂ 3 ਸਾਲਾਂ ਬਾਅਦ ਸ਼ੁਰੂ ਕਰਦਾ ਹੈ। 

6. ਕੇਂਦਰ ਵਿੱਚ TGT Teacher ਦੀ Basic 44900 ਹੈ ਜਦਕਿ ਪੰਜਾਬ ਵਿੱਚ 35400 ਹੈ

7. ਪੰਜਾਬ ਵਿੱਚ ਗਰੁੱਪ ਏ ਕਰਮਚਾਰੀ ਉਦਾਹਰਨ ਵਜੋਂ Section Officer Basic Salary 35400 ਲੈ ਰਿਹਾ ਹੈ। ਇਸੇ ਤਰਾਂ ਗਰੁੱਪ B ਅਤੇ ਗਰੁੱਪ C Posts ਦੀ ਵੀ ਸੈਲਰੀ 35400 ਹੈ। ਜਦਕਿ ਕੇਂਦਰ ਸਰਕਾਰ ਵਿੱਚ ਸੱਤਵੇ ਪੇਅ ਕਮਿਸ਼ਨ ਦੇ ਟੇਬਲ ਨੂੰ ਇਸ ਪ੍ਰਕਾਰ ਵੰਡਿਆ ਗਿਆ ਹੈ ਕਿ ਗਰੁੱਪ ਏ ਅਧਿਕਾਰੀ ਦੀ ਘੱਟੋ ਘੱਟ ਬੇਸਿਕ Level 10 (Basic 56100) ਹੁੰਦੀ ਹੈ।

ਝੋਨਾ ਤੇ ਪੰਜਾਬ

ਕਿਸੇ ਖੇਤੀ ਵਿਗਿਆਨੀ ਨੂੰ ਪੁੱਛ ਲਵੋ ਝੋਨਾਂ ਪੰਜਾਬ ਵਰਗੇ ਖਿੱਤੇ ਦੀ ਫਸਲ ਹੈ ਹੀ ਨਹੀਂ ਇਹ ਧੱਕਾ ਸਮੁੱਚੇ ਪੰਜਾਬੀਆਂ ਨਾਲ਼।

ਇਸ ਤਰ੍ਹਾਂ ਹੀ ਵਿਸਾਖ ਜੇਠ ਖੁਸ਼ਕ ਮਹੀਨਿਆਂ ਚ ਨਾੜ ਨੂੰ ਅੱਗ ਲਗਾਉਣ ਘੋਰ ਗੈਰਮਾਨਵੀ ਕਾਰਾ ਜਿਸ ਖਮਿਆਜ਼ਾ ਸਮੁੱਚੇ ਪੰਜਾਬ ਨੂੰ ਭੁਗਤਣਾ ਪੈ ਰਿਹਾ ਹੈ ਤੇ ਅਗਲੇ ਸਮੇਂ ਹੋਰ ਭੁਗਤਣਾ ਪਵੇਗਾ ਜੇ ਅੱਗ ਲਗਾਉਣ ਦੇ ਇਸ ਅਣਮਨੁੱਖੀ, ਸੰਵੇਦਨਹੀਣ ਕਾਰੇ ਨੂੰ ਰੋਕਿਆ ਨਾ ਗਿਆ ਕਿਉਂਕਿ ਨਾੜ ਨੂੰ ਅੱਗ ਲਗਾਉਣ ਦੀ ਕੋਈ ਜਰੂਰਤ ਹੈ ਹੀ ਨਹੀਂ।

ਸਿਆਣੇ ਆਖਦੇ ਨੇ ਜੇਠ ਦੇ ਮਹੀਨੇ ਅੱਗ ਪੇਕੇ ਆਈ ਹੁੰਦੀ ਹੈ ਇਸ ਤੋਂ ਬਚ ਰਹੋ।

ਇਸ ਅੱਗ ਲਗਾਉਣ ਨਾਲ਼ ਸ਼ਹਿਦ ਦੀਆਂ ਮੱਖੀਆਂ ਮਰ ਰਹੀਆਂ ਤੇ ਹੋਰ ਮਿੱਤਰ ਕੀੜੇ ਤੇ ਪੰਛੀ ਮਰ ਰਹੇ ਨੇ ਜਿਹੜੇ ਫਸਲਾਂ ਦੇ ਪਰਾਗਣ ਲਈ ਜਰੂਰੀ ਨੇ ਉਹ ਮਰ ਰਹੇ ਨੇ।

ਫਸਲਾਂ ਦਾ ਪਰਾਗਣ ਨਹੀਂ ਹੋਵੇਗਾ ਜਿਸ ਨਾਲ਼ ਝਾੜ ਘਟੇਗਾ ਬਿਮਾਰੀਆਂ ਜਿਆਦਾ ਲੱਗਣੀਆਂ ਫਿਰ ਕੀਟ ਨਾਸ਼ਕ ਜਹਿਰਾਂ ਦਾ ਜਿਆਦਾ ਛਿੜਕਾਅ ਕਰਨਾ ਪਵੇਗਾ ਜਿਸ ਨਾਲ਼ ਹੋਰ ਖਰਚੇ ਵਧਣਗੇ ਛੋਟੀ ਤੇ ਦਰਮਿਆਨੀ ਕਿਸਾਨੀ ਦਾ ਹੋਰ ਸੰਕਟ ਵਧੇਗਾ।

ਜਦੋਂ ਪਾਣੀ ਖਤਮ ਹੋ ਗਿਆ ਫਿਰ ਕੋਈ ਵੀ ਫਸਲ ਨਹੀਂ ਹੋਣੀ। ਪੰਜਾਬ ਪਿਆਸਾ ਮਰ ਜਾਵੇਗਾ। ਮੁਨਾਫੇ ਲਈ ਮਨੁੱਖਤਾ ਕਤਲੇਆਮ ਚੰਗਾ ਨਹੀਂ ਹੈ।

ਨਾੜ ਨੂੰ ਅੱਗ ਲਗਾਉਣ ਦੀ ਕੋਈ ਜਰੂਰਤ ਨਹੀਂ ਹੈ।

ਨਾੜ ਨੂੰ ਅੱਗ ਉਦੋਂ ਤੋਂ ਜਿਆਦਾ ਲੱਗਣ ਲੱਗੀ ਹੈ ਜਦੋਂ ਕੁੱਝ ਕਿਸਾਨ ਯੂਨੀਅਨਾਂ ਦੇ ਨੇ ਅੱਗਾਂ ਲਗਵਾਈਆਂ ਉਸ ਤੋਂ ਬਾਅਦ ਸਰਕਾਰ ਚੁੱਪ ਕਰ ਗਈ ਤੇ ਅੱਗਾਂ ਲੱਗਣ ਦਰ ਲਗਾਤਾਰ ਵਧਦੀ ਗਈ ਹੈ। ਹਰ ਸਾਲਾ ਹਜਾਰ ਸਾਝੇ ਦਰਖਤ ਜਲਾਏ ਜਾਂਦੇ ਨੇ ਪੰਛੀ, ਸ਼ਹਿਦ ਦੀਆਂ ਮੱਖੀਆਂ, ਮਿੱਤਰ ਕੀੜੇ, ਇਸ ਅੱਗ ਦੀ ਲਪੇਟ ਵਿੱਚ ਮਜਦੂਰਾਂ ਦੀ ਬਸਤੀਆਂ ਆ ਜਾਂਦੀਆਂ ਉੱਥੇ ਬੱਚੇ, ਬੁੱਢੇ ਬਜੁਰਗ ਪਸ਼ੂ ਆਦਿ ਹਰ ਸਾਲ ਮੱਚ ਕੇ ਮਰ ਜਾਂਦੇ ਉਹਨਾਂ ਦੀ ਕੋਈ ਸਾਰ ਨਹੀਂ ਲੈੰਦਾ। ਰਾਹ ਜਾਂਦੇ ਮੋਟਰਸਾਈਕਲ ਤੇ ਹੋਰ ਸਾਧਨ ਅਕਸਰ ਇਸ ਅੱਗ ਦੀ ਲਪੇਟ ਵਿੱਚ ਆ ਜਾਂਦੇ ਨੇ। ਅਗਲੇ ਸੀਜਨ ਅੱਗ ਨਵੇਂ ਸ਼ਿਕਾਰ ਲੱਭ ਲੈਂਦੀ ਹੈ।

ਇਹ ਬੇਰਹਿਮ, ਗੈਰ ਮਨੁੱਖੀ, ਸੰਵੇਦਨਹੀਣ ਕਾਰਾ ਹਰ ਸਾਲ ਹੁੰਦਾ ਹੈ। ਇਸ ਅੱਗ ਲਗਾਉਣ ਨਾਲ਼ ਛੋਟੇ ਕਿਸਾਨਾਂ, ਮਜ਼ਦੂਰਾਂ ਜਾਂ ਕਹਿ ਲਈਏ ਆਮ ਲੋਕਾਂ ਦਾ ਹੀ ਨੁਕਸਾਨ ਹੁੰਦਾ ਹੈ

ਕਿਸੇ ਸਾਮਰਾਜੀ ਕੰਪਨੀਆਂ ਜਾਂ ਦੇਸ਼ੀ ਸਰਮਾਏਦਾਰਾਂ ਦਾ ਕੋਈ ਨੁਕਸਾਨ ਨਹੀਂ ਹੁੰਦਾ।

ਪ੍ਰਦੂਸ਼ਣ ਵਧ ਰਿਹਾ ਹੈ ਬਿਮਾਰੀਆਂ ਵਧ ਰਹੀਆਂ ਨੇ ਵੱਡੀ ਕੰਪਨੀਆਂ ਦੀਆਂ ਦਵਾਈਆਂ ਜਿਆਦਾ ਵਿਕਣਗੀਆਂ। ਦਵਾਈਆਂ ਹੋਰ ਮਹਿੰਗੀਆਂ ਹੋਣਗੀਆਂ, ਛੋਟੇ ਕਿਸਾਨਾਂ ਲਈ ਹੋਰ ਸਮੱਸਿਆਵਾਂ ਵਧਣਗੀਆਂ, ਮਜਦੂਰ ਦਵਾਈ ਦੀ ਘਾਟ ਕਰਕੇ ਹੋਰ ਜਿਆਦਾ ਮਰਨਗੇ, ਸਮਾਜਿਕ ਅਸੰਤੋਸ਼ ਵਧੇਗਾ।

ਝੋਨੇ ਦਾ alternative ਖੇਤੀ ਮਾਡਲ ਨਾ ਵਿਗਿਆਨੀਆਂ ਨੇ ਦਿੱਤਾ ਨਾ ਸਰਕਾਰ ਨੇ, ਮੱਕੀ, ਮੁੰਗੀ, ਨਰਮੇ ਤੇ msp ਮਿਲੇ ਕੋਈ ਝੋਨਾ ਨੀ ਲਾਉਗਾ। 

1980 ਤੋਂ ਪਹਿਲਾਂ ਕੌਣ ਝੋਨਾ ਲਾਉਦਾ ਸੀ ਪੰਜਾਬ ਵਿੱਚ, ਇਹ ਵੀ ਤਾਂ ਵਿਗਿਆਨੀਆਂ ਤੇ ਅਰਥ ਸ਼ਾਸਤਰੀ ਦੀ ਦੇਣ ਹੈ।

ਪੂੰਜੀਵਾਦ ਸਾਡੇ ਅੰਦਰ ਇੱਕ ਹਾਬੜਿਆਪਣ ਪੈਦਾ ਕਰਦਾ ਹੈ।ਘੱਟ ਲਾਗਤ ਤੇ ਵੱਧ ਮੁਨਾਫ਼ਾ ਕਮਾਉਣਾ ਪਰਮ ਉਦੇਸ਼ ਹੈ।ਜਿੱਥੇ ਕਿਸੇ ਦਾ ਫਹੁ ਪੈਂਦਾ,ਓਹ ਜ਼ੋਰ ਲਾਉਂਦਾ ਹੈ।ਪੰਜਾਬ ਦੀ ਕੋਈ ਸੜਕ ਨੀ ਬਚੀ ਜਿਹੜੀ ਖੁਰਲ ਖ਼ੁਰਲ ਕੇ ਵਾਹਣ ਚ ਨਾ ਰਲਾਈ ਹੋਵੇ। ਖੇਤੀ ਦੇ ਜਗੀਰਦਾਰੀ ਮਾਡਲ ਚ ਕਿਸਾਨ ਮੁਜ਼ਾਰਾ ਸੀ ਤੇ ਬਾਕੀ ਦੇ ਲੋਕ ਵੀ ਏਵੇਂ ਪਰਸਪਰ ਨਿਰਭਰ ਸਨ।ਮਾਲਕੀ ਆਉਣ ਤੇ ਇਸ ਪੂੰਜੀਵਾਦੀ ਸੰਬੰਧਾਂ ਚ ਉੱਸਰ ਕੇ ਸਾਹਮਣੇ ਆਇਆ ਅੱਜ ਖੇਤੀਬਾੜੀ ਪੂਰੀ ਤਰ੍ਹਾਂ ਸਰਮਾਏਦਾਰੀ ਦੀ ਜਕੜ ਵਿੱਚ ਹੈ। ਬਹੁ ਗਿਣਤੀ ਕਿਸਾਨਾਂ ਨੇ ਆਪਣੇ ਮੱਥੇ ਤੋਂ ਦਰਖਤ ਪੁੱਟ ਜਮੀਨ ਆਪਣੇ ਖੇਤ ਵਿਚ ਰਲਾ ਲਈ ਹੈ। 

ਨਾੜ ਨੂੰ ਅੱਗ ਲਗਾਉਣ ਦੀ ਕੋਈ ਜਰੂਰਤ ਨਹੀਂ ਹੈ ਇਹ ਕਿਸਾਨ ਯੂਨੀਅਨ ਨੇ ਅੱਗਾ ਖੁਦ ਲਗਵਾਈਆਂ ਨੇ

ਪੰਜਾਬ ਦਾ ਪਾਣੀ ਖ਼ਤਮ ਹੋ ਰਿਹਾ ਹੈ ਇਸ ਤੇ ਕਿਸਾਨ ਯੂਨੀਅਨਾਂ ਨੂੰ ਸੋਚਣਾ ਵੀ ਪਵੇਗਾ ਆਮ ਲੋਕਾਂ ਨੂੰ ਨਾਲ਼ ਲੈ ਹੀ ਸਰਕਾਰ ਤੇ ਦਬਾਅ ਬਣਾਇਆ ਜਾ ਸਕਦਾ ਹੈ। 

MSP ਵਰਗੀਆਂ ਮਜਦੂਰ ਵਿਰੋਧੀ ਮੰਗਾਂ ਨੂੰ ਛੱਡਣਾ ਪਵੇਗਾ ਕਿਸਾਨ ਯੂਨੀਅਨਾਂ ਨੂੰ। ਇਹ ਦੋਨੋਂ ਮੰਗਾਂ ਆਪਾਂ ਵਿਰੋਧੀ ਨੇ

MSP ਦਾ ਬਹੁ ਗਿਣਤੀ ਛੁੱਟੀ ਕਿਸਾਨੀ ਨੂੰ ਨੁਕਸਾਨ ਹੈ ਤੇ ਮਜਦੂਰਾਂ ਨੂੰ ਨੁਕਸਾਨ ਹੈ ਇਸ ਫਾਇਦਾ ਘੱਟ ਗਿਣਤੀ ਵੱਡੀ ਕਿਸਾਨੀ ਨੂੰ ਹੈ।। ਉਸ ਦੇ ਮੁਨਾਫੇ ਲਈ ਬਹੁ ਗਿਣਤੀ ਕਿਰਤੀ ਅਬਾਦੀ ਦੀ ਭੰਬਲਭੂਸੇ ਚ ਪਾਇਆ ਜਾ ਰਿਹਾ ਹੈ।

ਜਿਹੜੀ ਮੰਗ ਦੀ ਬਹੁ ਗਿਣਤੀ ਛੋਟੀ ਕਿਸਾਨੀ ਤੇ ਮਜਦੂਰਾਂ ਦੇ ਵਿਰੁੱਧ ਹੈ ਉਸ ਨੂੰ ਛੱਡਿਆ ਜਾਣਾ ਚਾਹੀਦਾ ਹੈ। ਛੋਟੀ ਕਿਸਾਨੀ ਉਜੜ ਰਹੀ ਹੈ ਵੱਡੀ ਕਿਸਾਨੀ ਉੱਸਰ ਰਹੀ ਹੈ। ਇਹ ਬਹੁਤੀਆਂ ਕਿਸਾਨ ਯੂਨੀਅਨਾਂ ਦੀ ਮੁੱਖ ਮੰਗਾਂ ਸਿੱਧੇ, ਅਸਿੱਧੇ ਤੌਰ ਤੇ ਵੱਡੀ ਕਿਸਾਨੀ ਦੇ ਹੱਕ ਵਿੱਚ ਭੁਗਤ ਰਹੀਆਂ ਨੇ।

WhatsApp post by : Data Singh 9417677407

ਪਾਣੀ ਦੀ ਕਹਾਣੀ

ਪਾਣੀ ਬਾਰੇ ਕੁਝ ਤੱਥ

ਧਰਤੀ ਉਪਰ ਪਾਣੀ ਧਰਾਤਲ ਦੇ ਹਿਸਾਬ ਨਾਲ 71% ਹੈ। ਇਹ ਪਾਣੀ ਸੂਰਜ ਦੀ ਗਰਮੀ ਨਾਲ ਸਮੁੰਦਰ ਤੋਂ ਉਡਦਾ ਹੈ ਤੇ ਫਿਰ ਧਰਤੀ ਉਪਰ ਕਈ ਸ਼ਕਲਾਂ ਵਿੱਚ ਵਰ੍ਹਦਾ ਹੈ। ਧਰਤੀ ਤੋਂ ਪਾਣੀ ਦਾ ਵਾਸ਼ਪੀਕਰਨ ਹੁੰਦਾ ਹੈ ਤੇ ਫਿਰ ਇਹ ਧਰਤੀ ਉਪਰ ਵਾਪਸ ਵਰਖਾ ਦੀ ਸ਼ਕਲ ਵਿੱਚ ਆ ਜਾਂਦਾ ਹੈ। ਵਰਖਾ ਦਾ ਪਾਣੀ ਸ਼ੁਧ ਹੁੰਦਾ ਹੈ। ਇਸ ਦਾ ਟੀਡੀਐਸ 20 - 30 ਦੇ ਲਗਪਗ ਹੁੰਦਾ ਹੈ। ਇਹ ਪਾਣੀ ਜਿਵੇਂ ਜਿਵੇਂ ਜ਼ਮੀਨ ਨਾਲ ਛੋਹਂਦਾ ਹੈ, ਇਹ ਉਸ ਦੇ ਤੱਤ ਘੋਲ ਲੈਂਦਾ ਹੈ। ਪਾਣੀ ਕੁਦਰਤੀ ਤੌਰ ਤੇ ਚੰਗਾ ਘੋਲਕ ਹੈ। 

ਸਰੀਰ ਦੇ ਅੰਦਰ ਪਾਣੀ ਸਿਰਫ ਇੱਕ ਚੰਗੇ ਘੋਲਕ ਦੇ ਰੂਪ ਵਿੱਚ ਹੀ ਕੰਮ ਕਰਦਾ ਹੈ। ਸਰੀਰ ਦੇ ਸਾਰੇ ਸੈਲਾਂ ਨੂੰ ਕੰਮ ਕਰਨ ਲਈ ਪਾਣੀ ਦੀ ਲੋੜ ਪੈਂਦੀ ਹੈ। ਖੁਰਾਕ ਨੂੰ ਪਚਾਉਣ ਅਤੇ ਉਸ ਦੇ ਖੁਰਾਕੀ ਤੱਤਾਂ ਨੂੰ ਸਰੀਰ ਦੇ ਵੱਖ ਵੱਖ ਹਿਸਿਆ ਵਿੱਚ ਪੁਚਾਉਣ ਲਈ ਪਾਣੀ ਇਕ ਸਾਧਨ ਵੱਜੋਂ ਕੰਮ ਕਰਦਾ ਹੈ। ਪਾਣੀ ਖੂਨ ਦਾ ਹਿੱਸਾ ਬਣੇ ਕੇ ਸਾਰੇ ਸਰੀਰ ਵਿੱਚ ਘੁੰਮਦਾ ਹੈ ਤੇ ਫਿਰ ਕਿਡਨੀ ਵਿੱਚ ਇਹ ਖੂਨ ਨੂੰ ਸਾਫ ਕਰਦਾ ਹੈ। ਇਸ ਲਈ ਪਾਣੀ ਸਾਫ ਤੇ ਪੀਣ ਯੋਗ ਹੋਣਾ ਚਾਹੀਦਾ ਹੈ। 

ਧਰਤੀ ਉਪਰ ਪਾਣੀ ਦਾ ਚੱਕਰ ਸਦਾ ਚੱਲਦਾ ਰਹਿੰਦਾ ਹੈ। ਬਨਾਸਪਤੀ ਵਿੱਚ ਵੀ ਪਾਣੀ ਇੱਕ ਚੰਗੇ ਘੋਲਕ ਦੇ ਰੂਪ ਵਿੱਚ ਹੀ ਕੰਮ ਕਰਦਾ ਹੈ। ਬਨਸਪਤੀ ਨੂੰ ਸੂਰਜੀ ਊਰਜਾ ਨੂੰ ਹਾਈਡਰੋ ਕਾਰਬਨ ਵਿੱਚ ਬਦਲਣ ਤੇ ਪ੍ਰਕਾਸ਼ ਸੰਸ਼ਲੇਸ਼ਣ ਵਿੱਚ ਪਾਣੀ ਦੀ ਲੋੜ ਰਹਿੰਦੀ ਹੈ। ਪਾਣੀ ਜਿਹੜਾ ਵੀ ਪੌਦੇ ਆਪਣੀਆਂ ਜੜ੍ਹਾਂ ਰਾਹੀਂ ਲੈਂਦੇ ਹਨ, ਉਹ ਹਵਾ ਵਿੱਚ ਛਡਦੇ ਰਹਿੰਦੇ ਹਨ। ਇਸ ਤਰ੍ਹਾਂ ਪਾਣੀ ਹੁਣ ਤੱਕ ਜਿੰਨਾ ਪਹਿਲੇ ਦਿਨ ਮੌਜੂਦ ਸੀ ਉਨਾ ਹੀ ਅੱਜ ਵੀ ਹੈ। ਨਾ ਬੂੰਦ ਵਧੀ ਤੇ ਨਾ ਘਟੀ। ਪਾਣੀ ਬੇਅੰਤ ਹੈ, ਕਦੇ ਖਤਮ ਨਹੀਂ ਹੋਣ ਲੱਗਾ। ਇਸ ਦਾ ਇਕ ਵੱਡਾ ਕਾਰਨ ਹੈ, ਮਨੁੱਖ ਨੇ ਗਲੋਬ ਦੇ ਸਿਰਫ .29% ਹਿੱਸੇ ਉਪਰ ਹੀ ਆਪਣਾ ਵਸੇਬ ਕੀਤਾ ਹੈ। ਜਦੋਂ ਕਿ ਜਿਹੜਾ ਜਲ ਚੱਕਰ ਧਰਤੀ ਉਪਰ ਵਾਪਰਦਾ ਹੈ ਉਹ ਪੂਰੇ ਗਲੋਬ ਉਪਰ ਵਾਪਰਦਾ ਹੈ। ਇਹ ਲਗਾਤਾਰ ਵਾਪਰ ਰਿਹਾ ਹੈ। ਇਸ ਦਾ ਇੱਕ ਕਾਰਨ ਧਰਤੀ ਦਾ ਇੱਕ ਨਿਸ਼ਚਿਤ ਗਤੀ ਉਪਰ ਸੂਰਜ ਦੇ ਦੁਆਲੇ ਘੁੰਮਣਾ ਹੈ। ਇਸੇ ਕਾਰਨ ਹੀ ਵਾਤਾਵਰਨ ਵਿੱਚ ਕੁਝ ਨਾ ਕੁਝ ਵਾਪਰਦਾ ਰਹਿੰਦਾ ਹੈ। ਕਿਤੇ ਬਰਫ਼ਬਾਰੀ ਹੁੰਦੀ ਹੈ, ਕਿਤੇ ਵਰਖਾ, ਕਿਤੇ ਤੁਫਾਨ, ਕਿਤੇ ਹਨੇਰੀ, ਕਿਤੇ ਝੱਖੜ, ਮੌਸਮ ਦੀਆਂ ਇਹ ਘਟਨਾਵਾਂ ਪਾਣੀ ਦੀ ਅਪੂਰਤੀ ਕਰਦੀਆਂ ਰਹਿੰਦੀਆਂ ਹਨ। 

ਤੁਸੀਂ ਨਿਸ਼ਚਿੰਤ ਹੋ ਕੇ ਪਾਣੀ ਦੀ ਆਪਣੀਆਂ ਲੋੜਾਂ ਲਈ ਵਰਤੋਂ ਕਰੋ। ਕੁਦਰਤ ਦੇ ਸਿਸਟਮ ਵਿੱਚ ਪਾਣੀ ਦੀ ਕੋਈ ਘਾਟ ਨਹੀਂ। ਮਸਲਨ ਭਾਰਤ ਵਿੱਚ ਔਸਤ ਵਰਖਾ 26 ਇੰਚ ਸਾਲਾਨਾ ਹੈ। ਮਤਲਬ ਪੂਰੇ ਭਾਰਤ ਦੀ ਜ਼ਮੀਨ ਉਪਰ ਦੋ ਫੁੱਟ ਪਾਣੀ। ਇਹ ਸਾਡੀਆਂ ਲੋੜਾਂ ਤੋਂ ਕਿਤੇ ਵੱਧ ਹੈ।

ਫਿਰ ਇਹ ਪ੍ਰਚਾਰ ਕੌਣ ਕਰਦਾ ਹੈ ਕਿ ਪਾਣੀ ਮੁੱਕ ਚੱਲਿਆ? 

ਇਹ ਕੰਮ ਪੂੰਜੀਵਾਦੀਆਂ ਦਾ ਹੈ, ਜੋ ਇਹ ਚਾਹੁੰਦੇ ਹਨ ਕਿਸੇ ਤਰ੍ਹਾਂ ਆਮ ਲੋਕਾਂ ਨੂੰ ਡਰਾ ਕੇ ਪਾਣੀ ਦੇ ਮੂਲ ਸਰੋਤਾਂ ਉਪਰ ਆਪਣਾ ਕਬਜ਼ਾ ਕਰ ਲੈਣ। ਉਹ ਪਾਣੀ ਨੂੰ ਵੇਚਣਾ ਚਾਹੁੰਦੇ ਹਨ। ਇਸ ਲਈ ਪਾਣੀ ਦੀ ਸਮਝ ਬਣਾਓ। ਉਨ੍ਹਾਂ ਤੋਂ ਬਚੋ। ਪਾਣੀ ਦੀ ਸੁਯੋਗ ਵਰਤੋਂ ਕਰਨਾ ਸਿਖੋ। ਪਾਣੀ, ਖਾਸ ਕਰ ਵਰਖਾ ਦੇ ਪਾਣੀ ਨੂੰ ਨਾਲੀਆਂ ਵਿੱਚ ਨਾ ਜਾਣ ਦਿਓ। ਉਸ ਨੂੰ ਜਾਂ ਤਾਂ ਜ਼ਮੀਨਦੋਜ ਕਰ ਦਿਓ ਜਾਂ ਉਸ ਦਾ ਭੰਡਾਰਨ ਕਰੋ। ਪਾਣੀ ਕਿਵੇਂ ਸਾਫ਼ ਕੀਤਾ ਜਾਂਦਾ ਹੈ ਇਸ ਬਾਰੇ ਸਮਝ ਬਣਾਓ। ਪਾਣੀ ਬਾਰੇ ਦੁਸ਼ਪ੍ਰਚਾਰ ਨੂੰ ਅੱਗੇ ਨਾ ਤੋਰੋ।

ਗੁਰਦੀਪ ਸਿੰਘ

Whatsapp post by : BS Wakaf 9876224461